Azərbaycan Dövlət İqtisad Universiteti ilə (UNEC) Azərbaycan Sığortaçılar Assosiasiyası (ASA) arasında Əməkdaşlıq memorandumu imzalanıb.
UNEC rektoru professor Ədalət Muradov və ASA-nın icraçı direktoru Elmar Mirsalayevin imzaladığı memorandumda tələbələr arasında sığorta savadlılığının artırılması, innovativ fəaliyyətin birgə təşkili, təhsil və sığorta xidmətləri sahəsində müasir texnologiyaların və elmi inkişafın qarşılıqlı əlaqələndirilməsi, sığorta sektorunda çalışanların tədrisə cəlb olunması, birgə layihələrin hazırlanması və tədqiqatların aparılması, konfrans, təlim və seminarların təşkili nəzərdə tutulub. Sənəddə tələbələrin sığorta şirkətlərində mövcud vakant vəzifələr haqda məlumatlandırılması məqsədilə universitetdə “Karyera günləri”nın keçirilməsi də əks olunub.
Bu barədə UNEC-dən bildirilib.